Kağız divar oboyları: Oboylar divara necə yapışdırılmalıdır (davamı)

Kağız divar oboyları: Oboylar divara necə yapışdırılmalıdır (davamı)

Yapışqanı (kleyi) vurma mərhələsi

Əgər divarlara yapışdırdığınız oboylar kağız tərkiblidir, bu halda yapışqanı oboyun üstünə çəkmək lazımdır. Bu əməliyyatı ya masa üstündə ya da döşəmədə həyəta keçirmək olar. Sonra oboyun yapışqan vurulan tərəflərini bükülməlidir bir birinin üstünə qoyulmalıdır, lakin fikir verilməlidir ki, bükülən yerdə qat izi yaranmasın. 10 dəqiqə ərzində yapışqan oboya hopacaq. Əgər divar əvvəl boyanmış olubsa, məsləhət olardı ki, onun də üstünə nazik qat yapışqan vurulsun. Digər üsul isə divara astar vurmaq və həmin yapışqanın zəif məhlulundan istifadə edərək səthə sürtmək. Flizelin tərkibli oboyları yapışdırmaq daha da rahatdır, çünki yapışqanı yalnız divara vurmaq lazım olur.

Məsləhət! Oboy vurulan otağa hava daxil olmamalıdır və ən azı 1 sutka həmin yeri havalandırmaq olmaz! Oboylar hava işləyən yerdə və temperatur dəyişikliyi olan yerdə divardan tez aralanırlar.

Təbii ki, oboyları divarlara yapışdırmaq bir nəfər üçün çox çətin olacaq. Buna görə də, köməkçinin olmağı pis olmazdı. Oboylar hazır olandan sonra, bir nəfər ayaqaltıya çıxmalıdır, o birisi isə ona oboyu verməlidir. Oboyları tavan tərəfdən yapışdırmaq daha da rahatdır. Çünki birləşən yerlərini bir birinə uyğunlaşdırmaq daha da rahat olur. Oboyu divara yapışdırma işini pəncərə tərəfdən başlamaq və qapı tərəfə yapışdıra yapışdıra getmək lazımdır. Bu halda oboyların bir birinə birləşən xəttləri az görünəcək. Qalın oboyları (vinil, tekstil və s.) yapışdıranda qıraqları bir birinə birləşməlidir, amma bir qatlı kağız və ya iki qatlı hamar oboyları birini o birisinin üstünə yapışdırmaq olar.

Məsləhət! Oboyları divara yapışdırandan sonra, oboy şpatelindən istifadə edərək, altda qalan havanı çıxartmaq olar. Onun istifadə qaydası budur:  Oboyun orta hissəsindən yuxarıdan aşağaya. Sonra isə ortadan sağa və ortadan sola hamarlayaraq oboyu divara tamam şəkildə yapışdırırıq. Bu prosses çox az vaxt aparır.

Yapışqanın qədəri

Evi oboylayanda yalnız oboyların rulonunun sayını yox eləcədə yapışqanın qutularının sayını dəqiqləşdirmək lazımdır. Yapışqanı su ilə həll edəndə, qutusunda olan təlimata əməl olunmalıdır. Əks halda yapışqan ya qatı ya duru alınacaq.

Oboyların mantajı zamanı ortaya çıxan bir çətinlik də, rozetkalar və işıq söndürənlərdir. İşin əvvəlində elektrik cərəyanını söndürərək, qapaqları açıb çıxarmaq lazımdır. Oboyu yapışdırandan sonra, rozetka və işıq söndürənin yerində xaçvari kəsik edib, oboylar quruyandan sonra isə lazımı formada deşik kəsib onları bərkidə biləcəksiniz.

Əvvəli...

Sosial şəbəkələrdə bölüşmək