Evi necə seçib almaq lazımdır?

Evi necə seçib almaq lazımdır?

Birinci növbədə hansı aspektlərə fikir vermək lazımdır? Nədən başlamaq?

Təbii ki, hər bir evin seçilməsində birinci amil evin görünüşü olur. Ev xoşa gəlmirsə, onun alqı satqısı haqqında heç bir söhbət ola bilməz. Xoşa gələn ev tapıldıqda, növbəti addım, evin daxilini diqqətlə yaxlamaq olur. Otaqların ölçüsünə və onların yerləşməsinə, əgər istənilən kimi deyilsə gələcəkdə yeni üslubda planlaşdırma imkanın olub olmadığını yoxlamaq. Mətbəx xoşa gəlirmi, qazın, suyun, istilik sisteminin və kanalizasiya sisteminin olub olmadığını yoxlamaq. Əgər hər hansı bir kommunikasiya yoxdursa, onu yaratma imkanını yoxlamaq. Eyni zamanda əməliyyatın nə qədər xərc apara biləcəyini hesablamaq lazım olacaq.

Divarlar hansı materialdan düzəldilib, pəncərələr dəyişilməlidir yoxsa yox. Boruların vəziyyəti, dəyişməyə ehtiyac olub olmadığını yoxlamaq. Hər küncə fikir verərək, divarlarda nəm ləkələrin olmamasına əmin olmaq lazımdır.

Evin sahibinə çox sual verin. Bununla ev sahibi düşünəcək ki, sizin hər şər şeydən başınız çıxır və çalışacaq ki, çatışmamazlıqlar haqqında məlumat versin. Alış veriş zamanı da qiymətin aşağı salınmasında köməklik ola bilər. Əmin olduqda ki, evin daxili sizi qanə edir, evin çöl tərəfinə keçmək olar.

Evin fundamenti zəifdirsə, heç bir halda evi almaq olmaz. İdeal vəziyyətdə fundament hündür, bərk və yaxşı izolyasiyalı olmalıdır.

Başınızı qaldıraraq, fikir verin ki, evin üstündə yağış axan borular var yoxsa yox. Yağışın bir başa fundamentə tökülməyinə imkan vermək olmaz. O xarab olur. Ev 4 ildən artıq tikilibsə, onun inşası zamanı bütün buraxılan səhvlər üzə çıxacaq.

Divarlarda çatlar varsa, pis haldır. Dərhal mütəxəssisə müraciət edərək müəyyən etmək lazımdır ki, onları aradan qaldırmaq olacaq yoxsa yox.

Çardağa çıxaraq  dam tirlərin nə vəziyyətdə olduğunun yoxlayaraq, damın örtüyündə su izlərin olub olmamasını yaxlamaq lazımdır. Evin baxışını texpasportun diqqətlə öyrənilməsi ilə başa çatdırmaq olar. Sənəddə kommunikasiyaların uyğun olduğuna, əlavə tikintilərin sənədləşməsi haqqında məlumatların olub olmamasına diqqət yetirmək lazımdır. Bunu etməsəz, gələcəkdə tikintinin sənədləşməsinə əlavə xərc çəkmək məcburiyyətində qalacaqsınız.

Həyət yanı sahənin ölçüsünə fikir vermək lazımdır. Çox zaman evin sahibləri həyət sahələrini şişirdilmiş ölçüdə təqdim edirlər.

Sonda isə qərar vermək mərhələsi qalır...

Sosial şəbəkələrdə bölüşmək