Divar kağızları. Vinil oboyları

Divar kağızları. Vinil oboyları

 

 

 

 

 

 

 

 

Vinil  divar kağızları (oboyları) iki laydan ibarət olur. Birinci lay-parçalı və ya kağızlı, ikinci lay isə sintetik material polivinilxloriddən ibarət olur. Polivinilxloridin digər adı – PVX-dır. Sadə dilnən desək, polivinilxlorid plastmassdır. Bu materialdan linoleum, dartma tavanlar, mebel küncləri hətta paltar da istehsal edirlər. Qramplastinkaları da polivinilxloriddən düzəldildilər.

Polivinilxlorid materialının vinil oboylarında mövcudluğunun həm müsbət həm mənfi tərəfləri var.

Müsbət tərəfləri. Polivinilxlorid “nə odda yanır nə suda batır”.Bu səbəbə görə vinil oboylarını firça və əski ilə yuyucu maddələrlə yumaq mümkündür. Yanmır. İşığın və birbaşa günəş şuaların təsirinə görə xarab olmur, sudan və cızılmağdan qorxmur.

Vinil oboylara hopdurulmuş xüsusi məhlul göbələyin və mamırın yaranmasına mane olur. Bu oboyları rütubəti yüksək olan otaqlarda vurmaq məsləhətdir, misal üçün hamamda və mətbəxdə.

Mənfi tərəfləri. Sintetik və süni  material olduğu üçün havanı buraxmır. Polivinilxlorid ziyanlı madəllər-formaldeqidlər ifraz edir. Mətbəx və hamam otağına yarayan bu oboyları qonaq, yataq və xüsusən də uşaq otağına yapışdırmaq məsləhət deyil.

Hava keçirməsi üçün mikrodeşiklərlə vinil divar kağızların mövcud olmasına baxmayaraq, materialın ekolojı cəhətdən zərərli olması ona üstünlük vermir.

Maraqlıdır ki, birinci vinil oboyları 1947-ci ildə istehsal olunub (United Wallpaper şirkəti).

Vinil oboyların cürbəcür dizayn həlləri var. Bu oboylarda plitka, taxta, dəri və parça imitasiya  oluna bilər. Hətta xüsusi vinil divar yapışqanları da istehsal olunur.

Bu cür oboyları divara yapışdırmadan öncə 3-5 dəqiqə yapışqanı sürtüb gözləmək lazımdır. Çox gözləmək də məsləhət deyil, çünki kağız özəyi  körlana bilər. Vinil oboylar üçün ağır oboylara təyinatı olan yapışqandan istifadə etmək lazımdır.

Sosial şəbəkələrdə bölüşmək